سپریٹنڈنگ انجینئرمیپکوخانیوال سرکل مشتاق احمداٹھنگل نے کہا ہے کہ گھریلو، کمرشل،صنعتی اور زرعی ٹیوب ویل ڈیفالٹرز سے رننگ بلوں /واجبات/بقایاجات وصول کرنے کے لئے ریکوری آپریشن کومزیدتیزکیاجائے۔ فیلڈافسران اورسٹاف ڈیفالٹرزکے خلاف بلاامتیاز آپریشن جاری رکھیں۔ ایکسین اور ایس ڈی اوز بقایاجات کی وصولی کے لئے ٹیموں کے ہمراہ فیلڈ میں آپریشن کریں۔وہ میپکو خانیوال سرکل کمپلیکس میں افسران سے ریکوری اہداف کے حصول پر گفتگو کررہے تھے۔انہوں نے کہا کہ میپکو ڈیفالٹرزسے کوئی رعایت نہ کی جائے چاہے وہ کتنے ہی بااثرکیوں نہ ہوں۔انہوں نے سرکل خانیوال کے فیلڈافسران اورسٹاف کوہدایت کی ہے کہ رننگ بلو ں کے ساتھ ساتھ بقایاجات وصول کئے جائیں اور رپورٹ سرکل آفس بھجوائی جائے۔ ریکوری اہداف حاصل نہ کرنے والے میپکوافسران اورسٹاف کے خلاف سخت ترین محکمانہ کاروائی کی جائے گی۔سپرنٹنڈنگ انجینئرنے میپکو صارفین سے بھی اپیل کی ہے کہ اپنے ذمہ میپکو کے بل اور بقایاجات جلدازجلد اداکریں تاکہ بجلی کی بلاتعطل فراہمی اور کنکشنز منقطع ہونے کی پریشانی سے بچ سکیں۔