ایڈیشنل چیف انجینئر جی ایس او میپکو ملتان سرکل ملک محمد یوسف نے کہا ہے کہ میپکو موسیٰ پاک ڈویژن کے2فیڈرز سے منسلک صارفین کو موسم گرما میں بلاتعطل اور بہتروولٹیج کے ساتھ بجلی کی فراہمی یقینی بنانے کے لئے لوڈ دوسرے فیڈر پر منتقل کردیاگیاہے۔  132KVخانیوال روڈ گرڈاسٹیشن سے منسلک 11KVمحمودکوٹ اور موسیٰ پاک فیڈرز کا لوڈ 132KVپنجاب گورنمنٹ ہاؤسنگ سوسائٹی فاؤنڈیشن(پی جی ایچ ایس ایف) گرڈاسٹیشن پر شفٹ کیاگیاہے۔ ایس ایس اینڈ ٹی ڈویژن ملتان، میپکو موسیٰ پاک ڈویژن کی ٹیموں نے گزشتہ روز علی الصبح شفٹنگ کا کام شروع کیا اور نئے پینل نصب کرکے لوڈشفٹنگ کا منصوبہ مکمل کیا۔ ایگزیکٹو انجینئر آپریشن میپکو موسیٰ پاک ڈویژن غلام محی الدین میتلا نے کہا کہ دونوں فیڈرز کا لوڈ دوسرے گرڈاسٹیشن پر منتقل ہونے سے ہزاروں صارفین کو بجلی کی بلاتعطل فراہمی ممکن ہوگئی ہے۔لائن سٹاف نے سیفٹی ایس اوپیز پر عملدرآمدکرکے فیلڈاورگرڈاسٹیشن میں کام کیا۔ ایڈیشنل ایکسین سیفٹی میپکو ملتان سرکل تاج محمود قمر اور ایس ڈی او بوسن روڈ سب ڈویژن راشد محمودکی سربراہی میں سیفٹی انسپکٹر سجاد قیصر بھٹہ نے لوڈشفٹنگ ورک کی نگرانی کی اور منصوبہ بروقت مکمل کیاگیا۔