ملتان الیکٹرک پاورکمپنی (میپکو)ریجن میں سحر /افطار/تراویح کے اوقات میں بجلی فراہمی کا سلسلہ جاری ہے۔ میپکو کے تمام فیڈرز سے بلاتعطل بجلی فراہم کی جارہی ہے۔چیف ایگزیکٹو آفیسر میپکو انجینئر گُل محمد زاہدکی ہدایت پر چیف انجینئر کسٹمرسروسزسید جواد منصوراحمد نے سحر و افطار میں پاور کنٹرول سنٹر میں خدمات سرانجام دیں اور بجلی فراہمی کی مانیٹرنگ کی۔ صارفین کی شکایات کے فوری اور بروقت ازالے کے لئے9آپریشن سرکلوں کے گرڈاسٹیشنوں، کسٹمرسروسز سنٹرز اور کسٹمر کمپلینٹ سنٹرز میں سٹاف نے ڈیوٹیاں دیں جبکہ ایس ڈی اوز، ایکسین، ڈپٹی ڈائریکٹرزٹیکنیکل اور سپریٹنڈنگ انجینئرز بھی سحرو افطار میں الرٹ رہے۔ ایڈیشنل چیف انجینئر ملتان سرکل سید محمد مبشر رضوی کی ہدایت پرایس ڈی او پاک گیٹ سب ڈویژن محمد یوسف نے ملتان سرکل میں صارفین کی آن لائن شکایات اور بجلی فراہمی کی مانیٹرنگ کی۔