یومِ مزدور ہمیں اُن محنت کشوں کی عظمت کا احساس دلاتا ہے جو خاموشی سے دن رات پسینہ بہا کر ملک کی ترقی کا سفر رواں رکھتے ہیں۔یکم مئی صرف ایک تعطیل نہیں، بلکہ یہ اُن لوگوں کے اعزاز میں منایا جاتا ہے جو سخت گرمی، سردی، بارش، اندھیری راتوں اور خطرناک حالات میں بھی اپنی ڈیوٹی نبھاتے ہیں۔ ہم ان کی قربانیوں کو سلام پیش کرتے ہیں۔چیف ایگزیکٹو آفیسر میپکو انجینئر گُل محمد زاہد نے لیبر ڈے کے موقع پر میپکو کے محنت کشوں /ورکرز/سٹاف کے لئے جاری پیغام میں کہا کہ میپکو کے تمام محنت کش، خاص طور پر ہمارے لائن اسٹاف، گرڈ آپریٹرز، سب ڈویژن کے ملازمین، تکنیکی ماہرین، انجینئرز اور دفتر میں خدمات سرانجام دینے والے افراد، آپ سب ہمارے نظام کی ریڑھ کی ہڈی ہیں۔ آپ کی محنت اور فرض شناسی ہی وہ طاقت ہے جس کی بدولت ہم لاکھوں صارفین کو بجلی کی فراہمی یقینی بناتے ہیں۔انہوں نے کہا کہ آپ صرف ایک ادارے کے ملازم نہیں، بلکہ قوم کے معمار ہیں۔ آپ کی کوششیں ایک روشن پاکستان کی ضمانت ہیں۔میپکو انتظامیہ ہمیشہ آپ کے مسائل، تحفظ، پیشہ ورانہ تربیت اور ترقی کے لیے کوشاں رہی ہے اور آئندہ بھی رہے گی۔ہم جانتے ہیں کہ آپ کن چیلنجز کا سامنا کرتے ہیں۔بجلی کی بحالی کے دوران جان کے خطرات، محدود وسائل، طویل ڈیوٹیاں،ان تمام مشکلات کے باوجود آپ اپنے فرض کو مقدم رکھتے ہیں۔ یہی جذبہ دراصل پاکستان کی اصل طاقت ہے۔آج ہم یہ عہد کرتے ہیں کہ آپ کے مسائل کو ترجیحی بنیادوں پر حل کیا جائے گا، آپ کے تحفظ کے لیے مزید اقدامات کئے جائیں گے اور آپ کی خدمات کا بھرپور اعتراف کیا جائے گا۔ہم سب کو یہ یاد رکھنا چاہیے کہ کوئی بھی ادارہ اُس وقت تک کامیاب نہیں ہو سکتا جب تک اُس کا مزدور خوشحال، محفوظ اور مطمئن نہ ہو۔چیف ایگزیکٹو آفیسر میپکو انجینئرگُل محمد زاہد کی ہدایت پرمیپکو ریجن میں رمضان المبارک کے دوران بھی ڈسکوسپورٹ یونٹ میں شامل فورسز کے ہمراہ بجلی چوروں اورنادہندگان کے خلاف آپریشن جاری ہے۔علی پور سادات/سیٹلائٹ ٹاؤن بہاولنگر میں 52لاکھ74ہزار روپے واجبات کی ادائیگی نہ کرنے پر 6ٹرانسفارمرز اور کنکشنز منقطع کرکے میٹرز اُتارلئے۔ایڈیشنل چیف انجینئر آپریشن میپکوملتان سرکل سید محمد مبشررضوی اور ونگ کمانڈر رینجرز کی زیرنگرانی ایکسین شجاع آباد ڈویژن طارق محمود ڈار اور ایس ڈی اوعلی پورسادات سب ڈویژن مبشر علی حسن کی سربراہی میں ٹیم نے بجلی چوروں اورنادہندگان کے خلاف آپریشن کیا۔بستی نواں یاراں والا، بستی سہنتی، ٹھیکلانگ شمالی، بستی موسن والی، بستی شیخو والی، بستی ٹبہ حافظ والا، حافظ والا، بستی نوروانی والا، بستی غریب آباد اور بستی خاکی میں آپریشن کے دوران 5بجلی چور اور ڈیفالٹرز کو موقع سے گرفتارکیاگیا۔ 34لاکھ79ہزار روپے واجبات کی عدم ادائیگی پرایک نادہندہ زرعی ٹیوب ویل صارف کاٹرانسفارمر اور 2نادہندگان کے میٹر زاُتارلئے جبکہ ایک ڈیفالٹر سے ڈیڑھ لاکھ روپے واجبات بھی موقع پر وصول کئے گئے۔چیکنگ کے دوران 3افراد ڈائریکٹ ایل ٹی لائنوں سے کنڈیاں لگاکر بجلی چوری کرتے ہوئے پکڑے گئے جنہیں 2لاکھ71ہزارروپے جرمانہ عائد کیاگیا۔ سپریٹنڈنگ انجینئر آپریشن میپکو بہاولنگرسرکل خالد حسین سیال اور ونگ کمانڈر رینجرز کی زیرنگرانی ایکسین چشتیاں ڈویژن نوراحمد کھوسو کی سربراہی میں ٹیم نے سیٹلائٹ ٹاؤن سب ڈویژن میں بجلی چوروں اورنادہندگان کے خلاف آپریشن کیا۔بستی لاڈرے، قبول فتانی، لونا ہاتھرڈ اور گردونواح میں 17لاکھ95ہزار روپے واجبات کی عدم ادائیگی پر5نادہندہ کاشتکاروں کے ٹیوب ویلوں کے ٹرانسفارمرزاورمیٹرز اُتارلئے جبکہ آپریشن کے دوران ڈیڑھ لاکھ روپے واجبات وصول کئے گئے۔