ملتان الیکٹرک پاورکمپنی (میپکو) بہاولپور سرکل کی سیفٹی ٹیم نے ڈیوٹی کے دوران ممکنہ حادثات کی روک تھام اور قیمتی جانیں محفوظ بنانے کے لئے شہر کے مختلف علاقوں میں سیفٹی واک کی۔ سپریٹنڈنگ انجینئر بہاولپور سرکل محمد ثاقب کی ہدایت پر ایڈیشنل ایکسین سیفٹی عامر انصاری نے شاہدرہ سب ڈویژن کے زیر انتظام11KVستلج  اورماڈل ٹاؤن سی فیڈرز، عباسیہ سب ڈویژن کے 11KVالصادق اور بی ٹی سی فیڈرز پر ٹرانسفارمر کی مرمت اورضروری مرمت کرنے والی ٹیم کے مینٹینینس ورک اور تنصیبات کی چیکنگ کی۔ انہو ں نے سائٹ پر ہائی وولٹیج ڈیٹیکٹر، ایل ٹی بیپر اور ٹی اینڈ پی کی دستیابی کا جائزہ لیااور ایس ڈی او شاہدرہ سب ڈویژن کو ہائی ٹینشن لائن کی فوری درستگی کروانے کی ہدایت کی۔انہوں نے لائن سٹاف کو مکمل سیفٹی ایس او پیز پر عملدرآمدکرنے، ٹی اینڈ پی/پی پی ای کے استعمال اور یونیفارم بھی زیب تن کرنے کی ہدایت کی۔