ملتان الیکٹرک پاورکمپنی (میپکو) ریجن میں بجلی چوروں کے خلاف ڈے اینڈ نائٹ آپریشن جاری ہے۔ سپریٹنڈنگ انجینئر آپریشن میپکو ملتان سرکل امجدنوازبھٹی کی ہدایت پر میپکو ملتان سرکل کی سرویلنس ٹیم کے انچارج /ایس ڈی او اے ٹی بی رانا محمد عمران اور لائن سپریٹنڈنٹ علی اصغر نے رات کے اوقات میں نواں شہر سب ڈویژن کے علاقہ میں چیکنگ کے دوران ایک صارف کو بڑے پیمانے پر بجلی چوری کرتے ہوئے پکڑ لیا۔پُل براراں پر میٹراکاؤنٹ نمبر 13-15113-2192600پر بجلی چور ڈائریکٹ کنڈیاں لگاکر 2ایئرکنڈیشنرز چلارہاتھا جبکہ ہرماہ بلنگ صرف 85سے 90یونٹس کی ہورہی تھی۔ سرویلنس ٹیم نے موقع سے شواہد اکھٹے کرکے میٹر اور تاریں اُتارلیں اور تقریباََاڑھائی لاکھ روپے جرمانہ عائد کرنے کی سفارش کی گئی ہے۔ سرویلنس ٹیم کی سفارش پر ایس ڈی او نواں شہر سب ڈویژن محمد بلال شیخ نے بجلی چور کے خلاف مقدمہ درج کروانے کے لئے درخواست متعلقہ پولیس اسٹیشن کو بھیج دی گئی۔ایکسین شاہ رکن عالم ڈویژن محمد علی یاسر اور ایس ڈی او منظور آبادسب ڈویژن رضااللہ کی سربراہی میں ٹیم نے مختلف علاقوں میں بجلی چوروں کے خلاف آپریشن کیا۔ کوٹ ربنواز میں 4افراد کو ڈائریکٹ ایل ٹی لائنوں سے کنڈیاں لگاکر بجلی چوری کرتے ہوئے پکڑ لیا جنہیں تقریباََ5لاکھ روپے جرمانہ عائد کیاگیاہے۔ چاروں مقامات سے چوری میں استعمال ہونے والی پی وی سی تاریں اور میٹرز اُتارکر قبضہ میں لے لئے اور بجلی چوروں کے خلاف مقدمات درج کروانے کے لئے درخواستیں بھیج دی گئیں۔ ایس ڈی اوشمس آبادسب ڈویژن محمدا ختر سیال کی سربراہی میں ٹیم نے ٹبی شیر خان میں ایک صارف کومین پی وی سی سے ڈائریکٹ سپلائی سے بجلی چوری پکڑ لی اور قانونی کاروائی کرتے ہوئے مقدمہ درج کروادیاگیا۔ بجلی چور کو ڈیڑھ لاکھ روپے جرمانہ عائد کیاگیا۔ایکسین ڈی جی خان ڈویژن عزیزالرحمن اور ایس ڈی اوفرسٹ سب ڈویژن ڈی جی خان وجاہت حسین کی سربراہی میں ٹیم نے نائٹ چیکنگ میں 2مقامات پر بجلی چوری پکڑلی۔ دونوں بجلی چوروں کے میٹرز اور پی وی سی لائن اُتارلی گئی۔ چیکنگ کے اوقات میں ایک بجلی چور گھر پر موجود نہیں تھا جبکہ دوسر ا بجلی چور موقع سے گرفتارکرلیاگیا اور اسے جیل بھیج دیاگیا۔ تحقیقات کے دوران معلوم ہواکہ جامپور سب ڈویژن کے ضمیرنامی میٹرریڈر بجلی چوری میں ملوث ہے اور چوروں کی پشت پناہی کررہاتھا۔ میٹرریڈر ضمیر بجلی چور کی رہائی کے لئے تھانہ صدر پہنچا لیکن ایف آئی آر میں نامزد ہونے کے بعد موقع سے فرارہوگیا۔ بجلی چوروں اور میٹرریڈر کے خلاف محکمانہ اور قانونی کاروائی شروع کردی گئی ہے۔